Esperanto organizaĵoj

2024-11-24 : Kompleta dosiero pri : Belga Esperanto-Instituto (BEI)

Datumoj
Or_ID	00020
Nomo	Belga Esperanto-Instituto (BEI)
Aldonaĵo, devizo	kooperativa societo
Ekzistoperiodo	1.3.1926 - 1962
Antaŭa nomo
Posta nomo	Eldonejo-libroje Sonorilo (post kunfandiĝo kun Flandra Esperanto-Instituto en 1962)
Fondinto(j)
Sidejoj	Kleine Hondstraat 11, Antwerpen
Prezidantoj
Ĉefaj aliaj estraranoj
Grupa(j) revuo(j)
Kupola asocio
Se estas vzw: ref. Kompanio numero	Belga Ŝtatgazeto de la 13a de marto 1926, numero 2253; esperanta traduko de la statuto aperis en Belga Esperantisto, aprilo 1926 (aldono post p. 70).
Dosieroj	Akcio de BEI Statutoj de BEI
Asocia retpaĝo
Ref. al Vikipedio	https://eo.wikipedia.org/wiki/Belga_Esperanto-Instituto
Diversaj informoj	Akcio de BEI estis kvarpaĝa dokumento (300 x 247 mm). Paĝo 1 estis "Atesto de partopreno" (= akcio), je p. 2 estis la teksto de la statuoj, je p. 3 la sinsekvaj pagoj kaj p. 4 nur estis grafikaĵoj. Historio de BEI laŭ H. Boffejon en "Reĝa Belga Ligo Esperantista 1930-1961" (1970): Koopera societo fondita en Antverpeno la unuan de marto 1926 por la eldonado, presado kaj vendado de esperantaĵoj. Krom multaj gramatikoj, lernolibroj kaj propagandiloj ĝi eldonis la jenajn verkojn: Belga Antologio (flandra kaj franclingva partoj), Rimvortaro de M. Jaumotte, nederlandlingva kaj franclingva eldonoj de "Fundamento de Esperanto", de "Esence kaj Estonteco de la Ideo de Lingvo Internacia" de Unuel (D-ro L.L. Zamenhof) kaj de "Initiation à l Esperanto" - "Inleidng tot Esperanto" (Enkonduko al Esperanto) de Rollet de l Isle. La unua administrantaro konsistis el s-roj Fr. Schoofs, M. Jaumotte, Edg. De Coster, M. De Ketelaere, G. Vermandere, Oscar Van Schoor. Komisaroj estis s-roj Ch. Van der Veken, L. De Hondt, H. Vermuyten kaj f-inoj De Buyser kaj J. Morrens. Post la morto de Fr. Schoofs (12 marto 1934), kiu estis la animo de BEI, s-roj H. Boffejon, L. De Hondt kaj Ch. Van der Veken estis elektataj kiel administrantoj kaj H. Boffejon direktis la Instituton ĝis 1937. Sub lia impulso la Instituto instaliĝis en butiko kun du grandaj ĉestrataj vitrinoj en trafikplena strato ne malproksima de la urbocentro, kie ĝi restis ĝis 1947. Tiam la butiko devis esti fermata pro la militaj kaj postmilitaj cirkonstancoj kaj BEI estis transloĝigata en la loĝejon de G. Van den Bossche ĝis ties eksiĝo pro malsano en 1960, kiam transprenis ĝian gvidadon f-ino Elsa Van der Weken. En 1962, pro la reunuiĝo de Reĝa Belga Ligo Esperantista kaj Flandra Ligo Esperantista, ĝi kunfandiĝis kun Flandra Esperanto-Instituto en la nova komuna "Eldonejo-Librejo Sonorilo", kiun gvidas s-ro R. Iserentant en Bruĝo. Ŝajne Belga Esperanto-Instituto fuŝe funkciis dum 1929. Pri tio estis mencio en revueto Nia Informilo de La Konkordo (Kortrijk). Sekve al tio aperis longa klariga letero (subskribita de Maur. Jaumotte kaj Fr. Schoofs) en Nia Informilo, aprilo 1930.

Adaptita:  28-03-2021
© Dezajno/Retejestro AC
Privacy    Kontaktilo   Ensaluti   
		

Esperanto Vikiflandrio

2024-11-24 : Kompleta dosiero pri : Belga Esperanto-Instituto (BEI)