La celo de Vikiflandrio
La projekto “Vikiflandrio” ekestis en 2020 ĉar kelkaj membroj de Flandra Esperanto-Ligo deziris havi iun lokon kie ĉiuj informoj pri la Esperanto-movado en Flandrio (kaj najbaraj regionoj) povas esti grupigitaj. Tiuj informoj kaj informfontoj estas tre diversaj: esperantaj revuoj, fotokolektoj de membroj, kongreslibroj, protokoloj de estrarkunsidoj, arĥivoj, nacilingvaj gazetoj… Ili iĝas pli kaj pli disponeblaj en bita formo kaj povas esti konsultataj hejme. Vizitoj al arĥivoj kaj bibliotekoj por konsulti originalajn dokumentojn iĝos malpli necesaj. Estis sugesto por uzi la esperantan Vikipedion (https://eo.wikipedia.org/wiki/Vikipedio:Ĉefpaĝo) por grupigi la informojn kaj ĝi efektive parte taŭgas, sed tre ofte esploranto havas nur etajn, nekoherajn informerojn kiuj ne sufiĉas por verki Vikipedio-paĝon. Se estas kolektitaj sufiĉe da tia informeroj, ili povas esti bazo por Vikipedio-artikolo.La strukturo de Vikiflandrio
En Vikiflandrio estas kvar ĉefaj kategorioj:- Organizaĵoj (la lokaj kaj kupolaj asocioj, fakaj grupoj, arĥivoj kaj bibliotekoj)
- Personoj (ĉiuj, principe mortintaj, personoj kiuj iel aktivis en la flandra Esperanto-movado)
- Revuoj (movadaj revuoj esperantaj kaj nacilingvaj, ankaŭ el najbaraj regionoj kondiĉe ke ili regule raportis pri Flandrio)
- Eventoj (landaj kaj regionaj kongresoj, jubileoj, ĉiujare okazantaj kunvenoj).
- Internacia Esperanto Arkivo - Katalogo de revuoj
-
Titolaro de verkoj en kaj pri Esperanto Belgio 1894-1913 - Arth. Vermandel
Aperintaj en Belgujo, de 1894 ĝis 1913, N° 1, decembro 1913. - Belga Adresaro Esperantista 1910
Kunmetita kaj eldonita de "CENTRA ESPERANTISTA BELGA OFICEJO", (OSCAR VAN SCHOOR kaj FRANS SCHOOFS)
20, Vondelstraat, ANTWERPEN - Listo de informfontoj (revuoj, libroj) pri la laborista movado en Belgio (1998, 16 p.)
Opkomst en teloorgang van het arbeiders-esperantisme - Membroj de Flandra Ligo Esperantista en la periodo 1936-1938 (transprenitaj el tiama membroregistro, .xlsx-formato).
- Speciala numero de 'Vertikale' pri la kursoj inter la du mondmilitoj.
-
En la komenca fazo estas nur registritaj la bazaj informoj, minimume la nomo. Iom post iom la informoj estos kompletigataj. Kiom rapide tio okazos, dependos de la nombro de kunlaborantoj.
La espero estas ke estonte eblos multe pli rapide kaj detale respondi al demandoj de ne-esperantistoj pri la aktivado de familiano aŭ pri esperanta evento kiu okazis en iu urbo.
(Esperantistoj ja ne plu bezonas multajn helpon ĉar ili mem kapablas tralegi la informfontojn.)
Bibliografio